İstanbulda devamlı hastalıqtan soñ qırımtatar faali ve Kremlniñ sabıq mabüsi Edem Bekirov vefat etti. Bu aqta boş aynıñ 24-nde aqşam Qırımtatar Milliy Meclisi Facebook saifesinde haber etti.
"Edem Bekirov 2019 senesi Ukraiyna ve Rusiye arasında tutulğan şahıslarnı deñişüv vaqtında azat etilgenlerden biri edi. Evge qaytqan soñ, qanunsız apis müddeti devamında ağır hastalıqlarınen küreşmege devam etti. 2022 senesi çeçek ayında Edem Bekirovnı Türkiyege tedaviylev içün alıp kettiler. Qırımtatar Milliy Meclisi, merhumnıñ qorantasına samimiy taziyelerini bildire", — dep aytıla haberde.
2018 senesi ilk qış ayında Edem Bekirov Qırımğa kiriş noqtasında Rusiye quvetçileri tarafından tutulğan edi. 2019 senesi Rusiye Federatsiyası ve Ukrayina arasında büyük esir almaşuvı neticesinde Ukrayina qıtaiy qısmına qaytarılğan edi.
Rusiye kontrolindeki Aqmescit mahkeme 2021 senesi ilk yaz ayında Edem Bekirovnı "patlayıcı maddeler ve silâ" saqlağanında ve bergeninde qabaatlap, 7 yılğa azatlıqtan marum etip, 150 biñ ruble para cezasına mahküm etti. Bekirovnıñ özü bu üküm "halqnı qorquzmaq içün" olğanını qayd etken edi.
Rusiye Ukrayinağa qarşı keñ kölemli basuvnı başlağan soñ, Herson vilâyetiniñ Novoolekseyivka qasabasında Edem Bekirovnıñ evinde Rusiye quvetçileri tintüv keçirgen edi.
2023 senesi kiçik ayda Qırımtatar Milliy Meclisiniñ reisi Refat Çubarov Rusiye arbiyleri Bekirovnıñ evine yerleşti, dep bildirgen edi.