Üç yıl evelsi, 2022 senesi oktâbrniñ 8-nde, Keriç köpründe ilk patlav oldı. Soñra köpür daa eki ücümge oğradı. Amma köpürden ğayrı, Ukrayina Mudafaa quvetleri yarımadada olğan diger nişanlarğa da muntazam sürette darbe endire. Soñkilerden bir danesi – Kefe cermay bazası. Ukrayina Silâlı quvetleri oña eki kere ücüm etti. Birinci kere – bir yıl evelsi. Rusiye ordusınıñ zararı ne? Böyle adiseler qırımlılarnıñ keyflerine nasıl tesir ete? Bu aqta Qırım.Aqiqat Radiosınıñ yayınında alıp barıcı Alena Badük Viktor Yagunnen, 2014-2015 seneleri Ukrayina telükesizlik hızmetiniñ reis muavini, Ukrayina telükesizlik hızmetiniñ yedekteki general-mayor, ve Yuliya Tişçenkonen, Milliy metanet ve birlik platformasınıñ tesisçilerinden biri, Milliy strategik tedqiqatlar institutınıñ ekspertinen muzakere etti.