Rusiye arbiyleri dekabrniñ 2-ne keçer gecesi Ukrayinağa eñ az 35-i – "Şahedler" olğan 62 darbe uçucısızınen ücüm etti, dep haber ete Ukrayina Silâlı quvetleriniñ Ava küçleri. Dronlar Rusiyede dört yönelişten, Rusiye işğal etken Qırımdaki Çavda burnundan ve Donetskten uçurıldı.
"İlk malümatqa köre, saat 08:30-ğa qadar ava mudafaası memleketniñ şimali, cenübi ve şarqında 39 Shahed, Gerber ve diger duşman uçucısızını urdı/bastırdı", – dep aytıla haberde.
Ukrayina arbiyleriniñ aytqanına köre, sekiz yerde 20 darbe uçucısızınıñ ücümi qayd etildi.
Rusiye arbiyleri çeşit silâ qullanıp, muntazam sürette Ukrayina regionlarına ücüm ete.
Rusiye akimiyeti, Rusiye ordusı Ukrayinanıñ şeer ve köyleriniñ grajdan infrastruktursına maqsatlı darbelerini endirgenini red ete, sakinlerni öldürgenini ve hastahaneler, mektepler, bala bağçaları, energetika ve suv teminlevi obyektlerini yoq etkenini ayta.
Ukrayina akimiyeti ve halqara teşkilâtlar bu darbelerni Rusiye Federatsiyasınıñ arbiy cinayetleri olaraq tanıdı ve olarnıñ maqsatlı olğanını qayd ete.
