Kyivniñ merkezindeki Sofiyska meydanında noyabrniñ 15-nde “Boş kürsüler” aq qorçalayıcı aktsiyası olıp keçti – ğayıp olğan, apiske alınğan ya da Rusiyeniñ Ukrayinağa qarşı cenki sebebinden apiske oğrağan jurnalist, yazıcı, medeniyet erbapları ve aq qorçalayıcılarğa qoltutmaq maqsadınen.
Kyivniñ merkezindeki Sofiyska meydanında noyabrniñ 15-nde “Boş kürsüler” aq qorçalayıcı aktsiyası olıp keçti – ğayıp olğan, apiske alınğan ya da Rusiyeniñ Ukrayinağa qarşı cenki sebebinden apiske oğrağan jurnalist, yazıcı, medeniyet erbapları ve aq qorçalayıcılarğa qoltutmaq maqsadınen. Tedbirni Ukrayina PENi ve Vatandaş serbestlikleri merkezi teşkil ettiler.
Tedbir Ukrayinağa qoltutqan ve qanunsız şekilde tutulğan vatandaş şahısları ve cenk reineleriniñ azat etilmesi oğrunda küreşken insanlarnıñ ğayretlerini birleştirdi.
İştirakçiler ğayıp olğan, qanunsız tutulğan ve reine alınğan ukrayinalı müellif, medeniyet erbapları ve aq qorçalayıcılarnıñ ikâyelerini tarif etti. Aktsiyağa apisten azat etilgen Maksım Butkevıç, Dmıtro Hilük, Leniye Umerova, Yuliya “Tayra” Payevska, Vladıslav Yesıpenko qoşuldılar.
